Chandrababu: ఢిల్లీలో ఉల్లాసంగా, ఉత్సాహంగా చంద్రబాబు... ఫొటోలు ఇవిగో!
- ఢిల్లీ పర్యటనలో ఉన్న చంద్రబాబు
- హస్తినలో బాబుకు టీడీపీ ఎంపీల స్వాగతం
- అందరూ కలిసి గల్లా జయదేవ్ నివాసానికి తరలివెళ్లిన వైనం
- పార్టీ ఎంపీలతో చంద్రబాబు భేటీ
టీడీపీ అధినేత చంద్రబాబునాయుడు ప్రస్తుతం దేశ రాజధాని ఢిల్లీలో ఉన్నారు. ప్రధాని నరేంద్ర మోదీ అధ్యక్షతన జరగనున్న 'ఆజాదీ కా అమృత్ మహోత్సవ్' సమావేశానికి హాజరయ్యేందుకు చంద్రబాబును కేంద్రం ఆహ్వానించడం తెలిసిందే. ఈ కార్యక్రమంలో పాల్గొనేందుకు ఢిల్లీ వెళ్లిన చంద్రబాబుకు టీడీపీ ఎంపీలు ఘనస్వాగతం పలికారు.
ఈ సందర్భంగా చంద్రబాబు పార్టీ ఎంపీ గల్లా జయదేవ్ నివాసానికి చేరుకున్నారు. అక్కడ టీడీపీ ఎంపీలతో భేటీ అయ్యారు. ఈ భేటీలో చంద్రబాబు ఎంతో ఉల్లాసంగా కనిపించారు. ఎంపీలతో ఛలోక్తులు విసురుతూ, నవ్వుతూ సరదాగా వ్యవహరించారు. దీనికి సంబంధించిన ఫొటోలను టీడీపీ సోషల్ మీడియాలో పంచుకుంది.
.
