YSRCP: 8 నెల‌ల బాబుకు తన పెన్‌ను గిఫ్ట్ గా ఇచ్చిన సీఎం జగన్.. వీడియో ఇదిగో
- వ‌ర‌ద ప్ర‌భావిత ప్రాంతాల్లో జగన్ ప‌ర్య‌ట‌న
- కోన‌సీమ జిల్లాలో చోటుచేసుకున్న ఘ‌ట‌న
- పిల్లాడిని తన చేతుల్లోకి తీసుకుని ముద్దు చేసిన జగన్
- వైర‌ల్ అవుతున్న వీడియో
ఉమ్మ‌డి ఉభ‌య గోదావ‌రి జిల్లాల్లో వ‌ర‌ద ప్ర‌భావిత ప్రాంతాల ప‌ర్య‌ట‌న‌కు వెళ్లిన ఏపీ సీఎం వైఎస్ జగన్ మోహ‌న్ రెడ్డి... వ‌ర‌ద బాధితుల‌తో స్వ‌యంగా మాట క‌లుపుతున్నారు. ప్ర‌స్తుతం కోన‌సీమ జిల్లా పి.గ‌న్న‌వ‌రం మండ‌ల ప‌రిధిలో వ‌ర్షం కురుస్తున్నా లెక్క చేయ‌కుండా ట్రాక్ట‌ర్‌పై ముందుకు సాగుతున్న జగన్... వ‌ర‌ద బాధితుల క‌ష్టాల‌ను స్వ‌యంగా ఆల‌కిస్తున్నారు. ఈ సందర్భంగా తన వ‌ద్ద‌కు ఓ విన‌తి ప‌త్రం చేతబ‌ట్టుకుని 8 నెల‌ల బాలుడితో వ‌చ్చిన ఓ మ‌హిళ నుంచి విన‌తి పత్రాన్ని స్వీక‌రించిన జగన్... ఆమె చేతిలోని బాలుడిని జగన్ తన చేతుల్లోకి తీసుకున్నారు.
ఆ బాలుడిని కాసేపు తన చేతుల్లోనే ఉంచుకున్న జగన్... తన జేబులోని పెన్‌ను ఆ బాలుడు తీసుకునే య‌త్నం గ‌మ‌నించారు. కాసేప‌టికి ఆ బాలుడిని అత‌డి త‌ల్లికి అంద‌జేశారు. ఈ సందర్భంగా బాలుడు జగన్ వైపు చూడ‌గా... తన జేబులోని పెన్‌ను తీసిన జగన్... దానిని బాలుడికి అందించారు. జగన్ అందించిన పెన్‌ను తీసుకున్న బాలుడు దానిని నోట్లో పెట్టుకునే య‌త్నం చేశాడు. ఈ మొత్తం దృశ్యాల‌తో కూడిన వీడియో ఒక‌టి ఇప్పుడు సోష‌ల్ మీడియాలో వైర‌ల్‌గా మారిపోయింది.
