kiccha sudeep: మీడియా మిత్రులందరికీ క్షమాపణలు చెపుతున్నా: కిచ్చా సుదీప్

  • ఈ నెల 28న విడుదలవుతున్న సుదీప్ తాజా చిత్రం 'విక్రాంత్ రోణ' 
  • ఈరోజు హైదరాబాద్, చెన్నై, కొచ్చిలలో ప్రెస్ మీట్లు పెట్టాల్సిన వైనం
  • అనారోగ్యం వల్ల ప్రెస్ మీట్లు రద్దు చేశామన్న సుదీప్
Kiccha Sudeep says sorry to media

మీడియా ప్రతినిధులకు ప్రముఖ కన్నడ నటుడు కిచ్చా సుదీప్ క్షమాపణలు చెప్పారు. అనారోగ్య కారణాలతో ప్రెస్ మీట్లకు హాజరు కాలేకపోతున్నానని... తనను క్షమించాలని కోరాడు. సుదీప్ తాజా చిత్రం 'విక్రాంత్ రోణ' ఈ నెల 28న పాన్ ఇండియా స్థాయిలో విడుదల కాబోతోంది. ఈ చిత్రానికి అనూప్ బండారి దర్శకత్వం వహించారు. సోషియో ఫాంటసీ, యాక్షన్ అడ్వెంచర్ కథాంశంతో ఈ సినిమా తెరకెక్కింది. 

సినిమా విడుదలవుతున్న నేపథ్యంలో ఈరోజు హైదరాబాద్, చెన్నై, కొచ్చిలలో ప్రెస్ మీట్స్ నిర్వహించాల్సి ఉంది. ఈ తరుణంలో ఆయన అనారోగ్యానికి గురయ్యారు. అనారోగ్యం వల్ల ప్రయాణాలు చేయలేకపోతున్నానని... అందుకే ఈ రోజు జరగాల్సిన ప్రెస్ మీట్స్ రద్దు చేస్తున్నామని చెప్పారు. కోలుకున్న వెంటనే ప్రెస్ మీట్స్ నిర్వహిస్తామని... త్వరలోనే అందరినీ కలుస్తానని తెలిపారు.

More Telugu News