NEET: ‘లో దుస్తులు’ తొలగింపుపై ఆరోపణలను ఖండించిన ఎన్టీఏ
- అటువంటి ఘటన ఏదీ చోటు చేసుకోలేదని ప్రకటన
- పరీక్షా కేంద్రం సూపరింటెండెంట్, పరిశీలకుడు ధ్రువీకరించినట్టు వెల్లడి
- ఇలాంటి చర్యలను అనుమతించడం లేదని స్పష్టీకరణ
నీట్ పరీక్ష సందర్భంగా విద్యార్థినుల లోదుస్తులు తొలగించినట్టు వచ్చిన ఆరోపణలను.. నేషనల్ టెస్టింగ్ ఏజెన్సీ (ఎన్టీఏ) ఖండించింది. నీట్ ను దేశవ్యాప్తంగా నిర్వహించే బాధ్యతలను ఎన్టీఏనే చూస్తోంది. కేరళలోని కొల్లాం జిల్లా అయూర్ లో నీట్ పరీక్షా కేంద్రంలోకి విద్యార్థినులను లోదుస్తులతో అనుమతించలేదన్న సమాచారం వెలుగులోకి రావడం తెలిసిందే. దీనిపై ఓ విద్యార్థిని తండ్రి పోలీసులకు ఫిర్యాదు చేయడంతో పోలీసులు కేసు నమోదు చేసినట్టు వార్తలు కూడా వచ్చాయి.