Chiranjeevi: చిరంజీవి అభినందనలతో భావోద్వేగానికి గురైన ఆమిర్ ఖాన్.. వీడియో ఇదిగో!

బాలీవుడ్ స్టార్ ఆమిర్ ఖాన్, కరీనా కపూర్ ల చిత్రం 'లాల్ సింగ్ చద్దా' విడుదలకు సిద్థంగా ఉంది. ఈ చిత్రంలో అక్కినేని నాగచైతన్య ఒక కీలక పాత్రను పోషించారు. ఈ చిత్రం ప్రమోషన్స్ ను ఆమిర్ ఖాన్ పెద్ద ఎత్తున నిర్వహిస్తున్నారు. మరోవైపు తన మిత్రుడు చిరంజీవి కోసం ఆయన నివాసంలో ఆమిర్ స్పెషల్ ప్రివ్యూని వేశారు. 

ఈ ప్రివ్యూకి నాగార్జున, ఎస్ఎస్ రాజమౌళి, సుకుమార్, నాగచైతన్య కూడా హాజరయ్యారు. ఈ సినిమాను వీక్షించిన అనంతరం ఆమిర్ ఖాన్ ను హత్తుకుని చిరంజీవి అభినందించారు. దీంతో, తీవ్ర భావోద్వేగానికి గురైన ఆమిర్ ఖాన్ కంటతడి పెట్టుకున్నారు. దీనికి సబంధించిన వీడియో ప్రస్తుతం వైరల్ అవుతోంది. ఆగస్ట్ 11న ఈ చిత్రం విడుదల కాబోతోంది.