Chor Bazaar: ఈనెల 24న గ్రాండ్ గా రిలీజ్ అవుతున్న ‘చోర్ బజార్’

ప్రముఖ సినీ దర్శకుడు పూరీ జగన్నాథ్ కుమారుడు ఆకాశ్ పూరీ నటించిన తాజా చిత్రం 'చోర్ బజార్'. ఈ చిత్రంలో గెహన సిప్పీ కథానాయికగా నటించింది. 'దళం', 'జార్జ్ రెడ్డి' సినిమాలతో టాలీవుడ్ లో తనదైన మార్క్ ను క్రియేట్ చేసుకున్న జీవన్ రెడ్డి ఈ చిత్రానికి దర్శకత్వం వహించారు. 

ఈ చిత్రం ట్రైలర్ ను నటసింహం బాలకృష్ణ విడుదల చేసిన సంగతి తెలిసిందే. ఈ ట్రైలర్ కు మంచి రెస్పాన్స్ వచ్చింది. ఇప్పటికే ఈ సినిమా పాటలు హిట్ అయ్యాయి. వీటన్నింటి వల్ల ఈ సినిమాపై ఇప్పటికే మంచి బజ్ క్రియేట్ అయింది. బిజినెస్ సర్కిల్ లో కూడా క్రేజ్ ఏర్పడింది. ఈ చిత్రం ఈ నెల 24న గ్రాండ్ గా విడుదల కాబోతోంది. 

'చోర్ బజార్' చిత్రానికి సురేష్ బొబ్బిలి సంగీతాన్ని అందించారు. ప్రియదర్శన్ బాలసుబ్రహ్మణ్యం బ్యాక్ గ్రౌండ్ స్కోర్ అందించారు. ఐవీ ప్రొడక్షన్స్ బ్యానర్ పై నిర్మాత వీఎస్ రాజు ఈ చిత్రాన్ని నిర్మించారు. అల్లూరి సురేశ్ వర్మ సహ నిర్మాతగా వ్యవహరించారు.