Junior NTR: సంక్రాంతి బరిలోకి దిగే దిశగా ఎన్టీఆర్ సినిమా!

'ఆర్ ఆర్ ఆర్' సినిమా సమయంలో ఎన్టీఆర్ మరో సినిమాను చేయలేదు. ఆ సినిమా సంచలన విజయాన్ని సాధించడంతో, ఎన్టీఆర్ ఇక వరుస సినిమాలు చేయడానికి సిద్ధమవుతున్నాడు. ఆ జాబితాలో ముందుగా ఆయన కొరటాల శివ దర్శకత్వంలో ఒక సినిమా చేయనున్నాడు. ప్రస్తుతం అందుకు సంబంధించిన సన్నాహాలు జరుగుతున్నాయి. 

ఈ నెల 20వ తేదీన ఎన్టీఆర్ పుట్టినరోజు .. ఈ సందర్భంగా ఆ రోజున కొరటాల సినిమాను లాంచ్ చేయనున్నారు. జూన్ నుంచిగానీ .. జులై నుంచిగాని ఈ సినిమా రెగ్యులర్ షూటింగ్ మొదలుకానుంది. వచ్చే ఏడాది సంక్రాంతికి ఈ సినిమాను థియేటర్స్ కి తీసుకుని రావాలనే ఉద్దేశంతో ఉన్నారట. ఆ దిశగానే అన్నీ ప్లాన్ చేస్తున్నారని అంటున్నారు. 

ఇది కొరటాల మార్క్ సినిమాగానే సున్నితంగా సందేశాన్ని ఇచ్చేదిగా ఉంటుందని చెబుతున్నారు. ఈ సినిమా తరువాత బుచ్చిబాబు .. ప్రశాంత్ నీల్ దర్శకత్వంలోను ఎన్టీఆర్ సినిమాలు చేయనున్నారు. అందుకు సంబంధించిన సన్నాహాలు కూడా జరుగుతూనే  ఉన్నాయని సమాచారం.