Balakrishna: యాక్షన్ కామెడీగా బాలయ్యతో అనిల్ రావిపూడి సినిమా!

బాలకృష్ణతో సినిమా చేసే ఛాన్స్ కోసం అనిల్ రావిపూడి ఎప్పటి నుంచో వెయిట్ చేస్తున్నాడు. బాలకృష్ణ 100వ సినిమానే తాను చేయాలనుకున్నాడు. కానీ కొన్ని కారణాల వలన అది కుదరలేదు. ఆ తరువాత ఎవరి ప్రాజెక్టులతో వాళ్లు బిజీ అయ్యారు. ఈ మధ్యనే బాలకృష్ణకి అనిల్ ఒక కథ చెప్పడం ..  ఆయన ఓకే చెప్పడం జరిగిపోయాయి.

ప్రస్తుతం  గోపీచంద్ మలినేని దర్శకత్వంలో బాలకృష్ణ ఒక సినిమా చేస్తున్నారు. కెరియర్ పరంగా ఇది బాలకృష్ణకి 107వ సినిమా. రాయలసీమ నేపథ్యంలో ఈ కథ నడుస్తుంది. ఈ సినిమా తరువాత ఆయన అనిల్ రావిపూడితో కలిసి సెట్స్ పైకి వెళ్లనున్నారు. ఈ సినిమాలో 14 ఏళ్లు జైలు శిక్షను అనుభవించి వచ్చిన ఒక నేరస్థుడి పాత్రను బాలయ్య పోషించనున్నారట. 

ఫస్టాఫ్ అంతా కూడా బాలయ్య మార్కు యాక్షన్ తోను .. సెకండాఫ్ అంతా కూడా అనిల్ మార్కు కామెడీతోను ఈ కథ నడుస్తుందని చెబుతున్నారు. ఈ సినిమాలో బాలయ్య సరసన ఒక కథానాయికగా మెహ్రీన్ కనిపించనుందని అంటున్నారు. ఈ సినిమాలో రవితేజ అతిథి పాత్రను పోషించనున్నారని చెబుతున్నారు.