KKR: రాజస్థాన్ భారీ స్కోరు ఆశలకు కళ్లెం వేసిన కోల్ కతా బౌలర్లు

ఐపీఎల్ లో నేడు రాజస్థాన్ రాయల్స్, కోల్ కతా నైట్ రైడర్స్ జట్లు తలపడుతున్నాయి. టాస్ ఓడి మొదట బ్యాటింగ్ కు దిగిన రాజస్థాన్ జట్టు నిర్ణీత 20 ఓవర్లలో 5 వికెట్లకు 152 పరుగులు చేసింది. భారీ హిట్టర్లు ఉన్న రాజస్థాన్ జట్టును కోల్ కతా బౌలర్లు సమర్థంగా కట్టడి చేశారు. టిమ్ సౌథీ 2 వికెట్లు తీయగా, ఉమేశ్ యాదవ్ 1, అనుకూల్ రాయ్ 1, శివం మావి 1 వికెట్ పడగొట్టారు. 

రాజస్థాన్ జట్టులో కెప్టెన్ సంజు శాంసన్ 54 పరుగులతో టాప్ స్కోరర్ గా నిలిచాడు. ఓపెనర్ జోస్ బట్లర్ 22 పరుగులు చేయగా, ఆఖర్లో షిమ్రోన్ హెట్మెయర్ వేగంగా ఆడడంతో రాజస్థాన్ కు ఆ మాత్రం స్కోరైనా వచ్చింది. హెట్మెయర్ 13 బంతుల్లో 1 ఫోర్, 2 సిక్సర్లతో 27 పరుగులు చేసి అజేయంగా నిలిచాడు.