Srinu Vaitla: శ్రీను వైట్లతో ఆ సీక్వెల్ లేనట్టేనట!

శ్రీను వైట్ల తన కెరియర్ ను మొదలుపెట్టిన దగ్గర నుంచి వరుస హిట్లు ఇస్తూ వచ్చాడు. ఆయన సినిమాల్లోని కామెడీ ఎపిసోడ్స్  తలచుకుని .. తలచుకుని నవ్వేలా ఉంటాయి. ఈ మధ్య కాలంలో ఆయన సినిమాలు వరుస పరాజయాలను చూస్తూ వచ్చాయి. దాంతో సహజంగానే ఆయనకి అవకాశాలు తగ్గుతూ వచ్చాయి. 

ఈ నేపథ్యంలోనే మంచు విష్ణు హీరోగా ఆయన 'ఢీ' సీక్వెల్ చేయాలనుకున్నాడు. 'డీ అండ్ డీ' అనే టైటిల్ ను కూడా ఖరారు చేశారు. ఈ సినిమాను తన సొంత బ్యానర్లో చేయనున్నట్టు విష్ణు చెప్పాడు. అయితే పట్టాలపైకి మాత్రం వెళ్లడం లేదు. ఈ నేపథ్యంలో ఈ సినిమా ఉంటుందా .. లేదా? అనే సందేహం అందరిలోను ఉంది. 

ఈ ప్రాజెక్టు ఆగిపోయినట్టేననే టాక్ తాజాగా వినిపిస్తోంది. శ్రీను వైట్ల మరో కథను మరో హీరోతో చేసుకోవడానికి సన్నాహాలు చేసుకుంటున్నాడని అంటున్నారు. మంచు విష్ణు మాత్రం ప్రస్తుతం తన సొంత బ్యానర్లో 'గాలి నాగేశ్వరరావు' చేస్తున్నాడు. సన్నిలియోన్ ఒక నాయికగా నటిస్తున్న ఈ సినిమా షూటింగు జరుపుకుంటోంది.