Odisha: రోడ్డు దాటుతూ కెమెరాకు చిక్కిన అతిపెద్ద పాము.. వీడియో ఇదిగో
- 30 అడుగులు ఉంటుందని అంచనా
- ఒడిశాలోని నబరంగపూర్‌లో ఘటన
- హడలిపోతున్న చుట్టుపక్కల ప్రజలు
అతిపెద్ద పాము ఒకటి రోడ్డు దాటుతూ కెమెరాకు చిక్కింది. ఇప్పుడా వీడియో సామాజిక మాధ్యమాల్లో తెగ వైరల్ అవుతోంది. ఒడిశాలోని నబరంగపూర్‌ జిల్లాలో ఈ పాము కనిపించింది. అది 25 నుంచి 30 అడుగుల పొడవు ఉంటుందని చెబుతున్నారు. శుక్రవారం రాత్రి కత్తిగూడ జవహర్ నవోదయ విద్యాలయ సమీపంలో రోడ్డు దాటుతుండగా స్థానికులు గుర్తించారు.
పాము రోడ్డున ఆ చివరకు చేరుకున్నా దాని సగ భాగం ఇంకా ఇవతలివైపున ఉండడాన్ని చూసి స్థానికులు ఆశ్చర్యపోయారు. ఈ అతిపెద్ద సర్పాన్ని చూశాక ఆ చుట్టుపక్కల ప్రాంతాల్లోని ప్రజలు హడలిపోతున్నారు.
