Karthikeya: యూవీ క్రియేషన్స్ బ్యానర్లో కార్తికేయ!

ఈ తరం యంగ్ హీరోల్లో మాస్ యాక్షన్ .. రొమాన్స్ పాళ్లు ఎక్కువగా కలిగిన కథలను చేసేవారిలో కార్తికేయ ముందువరుసలో కనిపిస్తాడు. ఆయనకి వరుస అవకాశాలు వస్తున్నాయిగానీ, అవి విజయాలుగా మారడం లేదు. దాంతో మరో మెట్టుపైకి చేరుకోవడానికి కాస్త ఆలస్యమే అవుతుంది. ఆ మధ్య ఆయన చేసిన 'రాజా విక్రమార్క' కూడా ఆశించిన స్థాయిని అందుకోలేకపోయింది.

ఆయితే ఆ తరువాత ఆయన తమిళంలో విలన్ గా చేసిన 'వలిమై' అక్కడ బాగానే ఆడటం ఆయనకి కాస్త ఊరటను కలిగించే విషయం. ఈ నేపథ్యంలో తెలుగులో ఆయన నెక్స్ట్ ప్రాజెక్ట్ ఏంటి? అనేది ఆసక్తికరంగా మారింది. అందుకు సమాధానం రానే వచ్చేసింది. ప్రస్తుతం ఆయన యూవీ క్రియేషన్స్ లో ఒక సినిమా చేస్తున్నాడు.

 ఇటీవలే ఈ ప్రాజెక్టు పట్టాలెక్కినట్టుగా చెబుతున్నారు. కెరియర్ పరంగా కార్తికేయకు ఇది 8వ సినిమా. ఈ సినిమాకి ప్రశాంత్ రెడ్డి దర్శకత్వం వహిస్తున్నాడు. ఆల్రెడీ ఈ సినిమా షూటింగ్ చకచకా జరిగిపోతోంది. ఈ సమాచారాన్ని తాజాగా ఒక పోస్టర్ ద్వారా తెలియజేశారు. త్వరలోనే టైటిల్ ను ఖరారు చేసి ప్రకటిస్తామని అన్నారు. అప్పుడు మిగతా విషయాలు తెలిసే అవకాశం ఉంది.