Prabhas: 'సలార్'కి హైలైట్ గా సముద్రంలోని ఫైట్!

ప్రభాస్ తాజా చిత్రంగా ప్రేక్షకుల ముందుకు రావడానికి 'రాధే శ్యామ్' రూపొందుతోంది. రాధాకృష్ణ కుమార్ దర్శకత్వం వహించిన ఈ సినిమా ఈ నెల 11వ తేదీన ప్రేక్షకుల ముందుకు రానుంది. ఇటలీ నేపథ్యంలో సాగే రొమాంటిక్ లవ్ స్టోరీ ఇది. ఈ సినిమా తరువాత ఆయన నుంచి 'సలార్' రానుంది .. ఇది పూర్తిగా మాస్ యాక్షన్ మూవీ.

ఈ సినిమాలో ఇంటర్వెల్ బ్యాంగ్ కి ముందు సముద్రంపై జరిగే ఛేజింగ్ .. సముద్రం లోపల జరిగే ఫైట్ ఒళ్లు గగుర్పొడిచేలా ఉంటాయని అంటున్నారు. ఈ యాక్షన్ సీక్వెన్స్ ఈ సినిమాకి హైలైట్ గా నిలుస్తుందట. ఇక ప్రీ క్లైమాక్స్ లో వచ్చే ఫైట్ కూడా ఒక రేంజ్ లో ఉంటుందని చెబుతున్నారు. ఈ ఒక్క యాక్షన్ సీక్వెన్స్ కోసం 20 కోట్లు ఖర్చు చేశారని సమాచారం.  

ఈ సినిమాలో ప్రభాస్ సరసన నాయికగా శ్రుతి హాసన్ అలరించనుంది. ఈ ఇద్దరి మధ్య లవ్ .. ఎమోషన్ కి సంబంధించిన సన్నివేశాలు ప్రేక్షకులను ఎంతగానో ఆకట్టుకుంటాయట. ఒక స్పెషల్ సాంగ్ కోసం శ్రద్ధా కపూర్ ను తీసుకునే ప్రయత్నాలు చేస్తున్నారని తెలుస్తోంది. త్వరలోనే ఈ విషయంలో స్పష్టత రానుంది.