Allu Arjun: 'పుష్ప' టీమ్ తో మీటింగ్ పెట్టిన బన్నీ .. విషయం అదే!

అల్లు అర్జున్ - సుకుమార్ కాంబినేషన్లో ఇటీవల వచ్చిన 'పుష్ప' సినిమా సంచలన విజయాన్ని సాధించింది. తెలుగు రాష్ట్రాల్లో రికార్డు స్థాయి వసూళ్లను రాబట్టిన ఈ సినిమా, బాలీవుడ్ లోను 100 కోట్లను వసూలు చేసింది. ఇక తమిళ .. మలయాళ .. కన్నడ భాషల్లోను చెప్పుకోదగిన వసూళ్లను రాబట్టింది.

వచ్చే నెల నుంచి 'పుష్ప 2' సినిమా షూటింగును మొదలుపెట్టాలని అనుకుంటున్నారు. ఈ నేపథ్యంలో ఈ సినిమా టీమ్ తో బన్నీ రీసెంట్ గా మీటింగును ఏర్పాటు చేశాడట. వచ్చేనెల నుంచి ఈ సినిమా రెగ్యులర్ షూటింగును మొదలుపెట్టి 4 నుంచి 6 నెలల్లో షూటింగు పార్టు పూర్తిచేయాలని చెప్పాడట. సాధ్యమైనంత వరకూ ఈ సినిమాను దసరా బరిలో దింపాలనే అభిప్రాయాన్ని వ్యక్తం చేశాడని చెబుతున్నారు.

ఈ విషయంలో సాధ్యాసాధ్యాలను గురించి సుకుమార్ టీమ్ తో చాలాసేపు చర్చించాడని అంటున్నారు. ఎలాంటి పరిస్థితుల్లో ఈ సినిమాను ఈ ఏడాదిలోనే విడుదల చేయాలి. బాలీవుడ్ లో భారీ ప్రమోషన్స్ చేసుకునే అవకాశం ఉండాలి. అందరూ కూడా ఆ దిశగా ఫాస్టుగా ముందుకు వెళ్లాలని చెప్పాడట. ఇక 'పుష్ప 2' ఈ ఏడాదిలోనే రావడం ఖాయమైపోయిందనుకోవాలి.