OTT: ఓటీటీలో ఈ వారం వస్తున్న సినిమాలివే.. విక్రమ్– విక్రమ్ తనయుడు కలిసి నటించిన తొలి సినిమా కూడా ఓటీటీలోనే

08-02-2022 Tue 14:15 | Entertainment

అమెజాన్ ప్రైమ్ లో 10 నుంచి ‘మహాన్’
ఆహాలో ప్రియమణి ‘భామా కలాపం’
ఫిబ్రవరి 11న జీ5లో సుమంత్ ‘మళ్లీ మొదలైంది’

కరోనా మహమ్మారి సమయంలో ఓటీటీలకు డిమాండ్ బాగా పెరిగింది. థియేటర్లు మూత పడడంతో చాలా వరకు సినిమాలన్నీ ఓటీటీల్లోనే విడుదలయ్యాయి. అయితే, ఇప్పటికే థియేటర్లు ఓపెన్ అయినా.. ఓటీటీలకు మాత్రం డిమాండ్ తగ్గలేదు. థియేటర్లలో సినిమాలు విడుదలవుతున్నా.. మరికొన్ని సినిమాలు మాత్రం ఓటీటీల బాట పడుతున్నాయి. పెద్ద హీరోల సినిమాలూ ఇందుకు మినహాయింపేమీ కాదు.

తొలిసారి తండ్రీ కొడుకులు చియాన్ విక్రమ్, అతడి తనయుడు ధ్రువ్ విక్రమ్ లు కలిసి నటిస్తున్న సినిమా ‘మహాన్’. కార్తీక్ సుబ్బరాజు డైరెక్షన్ లో వచ్చిన ఈ సినిమా షూటింగ్ ఎప్పుడో పూర్తయింది. కానీ, కరోనా కారణంగా ఎప్పటికప్పుడు వాయిదా పడుతూ వస్తోంది. తాజాగా ఫిబ్రవరి 10న అమెజాన్ ప్రైమ్ లో సినిమాను విడుదల చేయనున్నారు.

ప్రియమణి హీరోయిన్ గా అభిమన్యు తెరకెక్కించిన కథానాయికా ప్రాధాన్య సినిమా ‘భామా కలాపం’ ఫిబ్రవరి 11న ఆహాలో స్ట్రీమ్ కానుంది. కేవలం ఓటీటీ కోసమే తీసిన ‘గెహ్రాయియా’ ఫిబ్రవరి 11న అమెజాన్ ప్రైమ్ లో విడుదల కానుంది. దీపికా పదుకోణ్, సిద్ధాంత్ చతుర్వేది, అనన్యా పాండే, ధైర్యా కర్వాలు కీలకపాత్రలు పోషించారు.

సుమంత్ హీరోగా, వర్షిణీ సౌందర రాజన్, నైనా గంగూలీలు హీరో హీరోయిన్లుగా తెరకెక్కిన ‘మళ్లీ మొదలైంది’ సినిమా ఫిబ్రవరి 11 నుంచి జీ5లో స్ట్రీమ్ కానుంది. మహేశ్ బాబు మేనల్లుడు అశోక్ హీరోగా పరిచయమైన సినిమా ‘హీరో’ ఫిబ్రవరి 11 నుంచి ‘డిస్నీ ప్లస్ హాట్ స్టార్’లో స్ట్రీమ్ కానుంది.

మరికొన్ని...