Kalavathi: సర్కారు వారి పాట నుంచి 'కళావతి' సాంగ్... మహేశ్ బాబు అభిమానులకు వాలెంటైన్స్ డే కానుక
- పరశురాం దర్శకత్వంలో మహేశ్ బాబు
- మే 12న రిలీజవుతున్న సర్కారు వారి పాట
- ప్రేమికుల రోజున తొలిపాట విడుదల
- బాణీలు అందించిన తమన్
మహేశ్ బాబు హీరోగా పరశురామ్ దర్శకత్వంలో తెరకెక్కుతున్న చిత్రం 'సర్కారు వారి పాట'. ఈ చిత్రం నుంచి తొలి పాట విడుదలకు రంగం సిద్ధమైంది. 'కళావతి' అనే గీతాన్ని ఈ నెల 14న వాలెంటైన్స్ డే కానుకగా విడుదల చేయనున్నట్టు చిత్రబృందం వెల్లడించింది. "వాలెంటైన్స్ డే రోజున 'కళావతి'తో ప్రేమలో పడండి" అంటూ ఓ ప్రకటన చేసింది.
మహేశ్ బాబు, కీర్తి సురేశ్ జంటగా రూపుదిద్దుకుంటున్న ఈ చిత్రం మే 12న ప్రేక్షకుల ముందుకు వస్తోంది. సర్కారు వారి పాట చిత్రానికి తమన్ సంగీత దర్శకుడు. ఈ చిత్రాన్ని మైత్రీ మూవీ మేకర్స్, 14 రీల్స్ ప్లస్, జీఎంబీ ఎంటర్టయిన్ మెంట్స్ సంస్థలు నిర్మిస్తున్నాయి.
