Junior NTR: ఎన్టీఆర్ తో బుచ్చిబాబు మూవీ టైటిల్ ఇదేనంటూ రూమర్!

ఎన్టీఆర్ తో బుచ్చిబాబు ఒక సినిమా చేయనున్నాడు. ప్రస్తుతం అందుకు సంబంధించిన సన్నాహాలు జరుగుతున్నాయి. మైత్రీ మూవీ మేకర్స్ వారు నిర్మిస్తున్న ఈ సినిమా గురించిన ఒక టాక్ బలంగా వినిపిస్తోంది. ఈ కథ గ్రామీణ నేపథ్యంలో నడుస్తుందట. కబడ్డీ ఆటగాడిగా ఈ సినిమాలో ఎన్టీఆర్ కనిపించనున్నాడు.

ఎన్టీఆర్ పాత్ర పేరు 'పెద్ది' .. అదే పేరును సినిమాకి టైటిల్ గా సెట్ చేసే ఆలోచనలో ఉన్నారనే ప్రచారం జరుగుతోంది. కబడ్డీ ఆటగాడిగా ఒక ఆశయం దిశగా హీరో ముందుకు వెళతాడు. ఆ ఆశయం చుట్టూ ఆవేశం .. బలమైన ఎమోషన్స్ ఉంటాయని అంటున్నారు. మైత్రీ మూవీ మేకర్స్ వారు నిర్మిస్తున్న ఈ సినిమాలో కథానాయికగా జాన్వీ కపూర్ పేరు వినిపిస్తోంది.

ఇక ఈ సినిమాకి ముందు ఎన్టీఆర్ .. కొరటాల శివ దర్శకత్వంలో ఒక సినిమా చేయనున్నాడు. త్వరలోనే ఈ సినిమా రెగ్యులర్ షూటింగ్ మొదలుకానుంది. ఈ సినిమా పొలిటికల్ టచ్ తో కొనసాగుతుంది. స్టూడెంట్ లీడర్ గా ఎన్టీఆర్ కనిపిస్తాడని చెబుతున్నారు. కథానాయికలుగా రష్మిక .. కీర్తి సురేశ్ పేర్లు వినిపిస్తున్నాయి.