Allu Arjun: అల్లు అర్జున్ పై జాన్వీ కపూర్ ప్రశంసలు!

అల్లు అర్జున్, సుకుమార్ కాంబినేషన్లో విడుదలైన 'పుష్ప' సినిమా ఘన విజయం సాధించింది. బన్నీ నటించిన తొలి పాన్ ఇండియా మూవీ ఇది. బాలీవుడ్ లో సైతం హిందీ సినిమాలతో పోటీ పడి ఈ సినిమా వసూళ్లను సాధించింది. బాక్సాఫీస్ వద్ద మోత మోగించిన ఈ సినిమా ఓటీటీలో కూడా విడుదలయింది.

దీంతో, థియేటర్లలో ఈ సినిమాను చూడలేని సెలబ్రిటీలు ప్రస్తుతం ఓటీటీలో చూస్తున్నారు. తాజాగా ఈ సినిమాను చూసిన బాలీవుడ్ భామ జాన్వీ కపూర్ అద్భుతంగా ఉందని కితాబునిచ్చింది. 'పుష్ప' ఫొటోను షేర్ చేస్తూ 'ప్రపంచంలోనే అత్యంత కూల్ మేన్' అని వ్యాఖ్యానించింది. మైండ్ బ్లోయింగ్ మూవీ అని కొనియాడింది.