Samantha: సెకండ్ షెడ్యూల్ కి రెడీగా 'యశోద'

సమంత ప్రధానమైన పాత్రలో 'యశోద' సినిమా రూపొందుతోంది. శివలెంక కృష్ణ ప్రసాద్ ఈ సినిమాకి నిర్మాతగా వ్యవహరిస్తున్నాడు.  హరి - హరీశ్ ఈ సినిమాకి దర్శకత్వం వహిస్తున్నారు. థ్రిల్లర్ జోనర్లో ఈ కథ నడుస్తుంది. ఇటీవలే ఈ సినిమా రెగ్యులర్ షూటింగు మొదలైంది. ఫస్టు షెడ్యూల్ షూటింగును చాలా ఫాస్టుగా కానిచ్చారు.

ఇక ఇప్పుడు ఈ సినిమా రెండవ షెడ్యూల్ షూటింగుకి రెడీ అవుతోంది. అందుకు సంబంధించిన పోస్టర్ ను ఈ సినిమా టీమ్ వదిలింది. ప్రధానమైన పాత్రలకి సంబంధించిన కొన్ని ముఖ్యమైన సన్నివేశాలను ఈ షెడ్యూల్లో చిత్రీకరించనున్నారు. ఇవి సినిమాలో హైలైట్ గా నిలిచే సన్నివేశాలని చెబుతున్నారు.

మలయాళ స్టార్ ఉన్ని ముకుందన్ ఈ సినిమాలో ఒక ముఖ్యమైన పాత్రను పోషిస్తుండగా, వరలక్ష్మి శరత్ కుమార్ ఒక కీలకమైన పాత్రలో కనిపించనుంది. మణిశర్మ అందిస్తున్న బ్యాక్ గ్రౌండ్ మ్యూజిక్ ఈ సినిమాకి ప్రత్యేకమైన ఆకర్షణగా నిలుస్తుందని అంటున్నారు. ఈ సినిమాతో పాటు సమంత ప్రధానమైన పాత్రను పోషించిన 'శాకుంతలం' కూడా ఇదే ఏడాదిలో విడుదల కానుంది.