Nani: 'శ్యామ్ సింగ రాయ్' నుంచి లిరికల్ సాంగ్ రిలీజ్!

నాని హీరోగా రాహుల్ సాంకృత్యన్ దర్శకత్వంలో 'శ్యామ్ సింగ రాయ్' రూపొందింది. వెంకట్ బోయనపల్లి నిర్మించిన ఈ సినిమా రేపు ప్రేక్షకుల ముందుకు రానుంది. 1970లలో కలకత్తాలో ఉన్న దేవదాసీ వ్యవస్థను ప్రధానంగా చేసుకుని ఈ కథ నడుస్తుంది. దేవదాసీ పాత్రలో సాయిపల్లవి నటించగా, టైటిల్ రోల్ ను నాని చేశాడు.

మిక్కీ జె మేయర్ సంగీతాన్ని సమకూర్చిన ఈ సినిమా నుంచి ఒక్కో లిరికల్ సాంగును వదులుతూ వస్తున్నారు. తాజాగా ఈ సినిమా నుంచి ఒక లిరికల్ వీడియోను రిలీజ్ చేశారు. "తెరపైన కదిలేలా కథలేవో మొదలే .. తార నింగిదిగి నేల .. కింద నడిచేలా .. వచ్చేనిలా " అంటూ ఈ పాట సాగుతోంది.

నాని .. కృతి శెట్టిలపై చిత్రీకరించిన పాట ఇది. మిక్కీ జె మేయర్ బీట్ యూత్ ను పట్టుకునేలా ఉంది. ఆయన ఏదో మేజిక్ చేసినట్టుగా అనిపిస్తోంది. సానూ ఈ పాటను చాలా బ్యూటిఫుల్ గా .. కలర్ ఫుల్ గా చిత్రీకరించినట్టుగా తెలుస్తోంది. కృష్ణకాంత్ సాహిత్యం .. కార్తీక్ ఆలాపన ఆకట్టుకుంటున్నాయి.