Bollywood: చిరంజీవి ‘గాడ్ ఫాదర్’లో సల్మాన్‌ఖాన్.. అతిథి పాత్రలో మెరవనున్న బాలీవుడ్ సూపర్ స్టార్!

మెగాస్టార్ చిరంజీవి హీరోగా మోహన్‌రాజా దర్శకత్వంలో రూపొందిస్తున్న పొలిటికల్ థ్రిల్లర్ ‘గాడ్ ఫాదర్’ సినిమాలో బాలీవుడ్ సూపర్ స్టార్ సల్మాన్ ఖాన్ ఓ కీలక పాత్రలో నటిస్తున్నట్టు తెలుస్తోంది. ఈ సినిమా మలయాళ మాతృక ‘లూసిఫర్’లో  పృథ్వీరాజ్ సుకుమార్ పోషించిన అతిథి పాత్రనే తెలుగులో సల్మాన్‌ పోషిస్తున్నట్టు టాలీవుడ్ వర్గాల సమాచారం.

మోహన్‌లాల్‌కు అండగా ఉండే ఈ పాత్ర కనిపించేది కొద్దిసేపే అయినా సినిమాలో అది చాలా కీలకం. అంతేకాదు, ఆ పాత్రకు ఒక పాట కూడా ఉంటుంది. ఈ పాత్ర కోసం ‘గాడ్ ఫాదర్’ బృందం సల్మాన్‌ను సంప్రదిస్తే ఆయన ఓకే చెప్పారట. అయితే, ఈ విషయాన్ని చిత్ర బృందం ఇప్పటి వరకు అధికారికంగా ప్రకటించలేదు. దీంతో సల్మాన్ అతిథిపాత్రలో కనిపిస్తారా? లేక, ఏదైనా పాటలో తళుక్కుమంటారా? అన్న విషయంలో స్పష్టత లేకుండా పోయింది.