Samantha: సినిమా కబుర్లు.. సంక్షిప్త సమాచారం

  • సమంతకు అరుదైన గౌరవం 
  • 'భోళాశంకర్' ఓపెనింగ్ వివరాలు 
  • మైసూర్లో 'బంగార్రాజు' షూటింగ్  
Samantha invited to address International Film Festival

*  అందాలతార సమంతకు అరుదైన గౌరవం లభించింది. ఈ నెల 20 నుంచి గోవాలో జరిగే అంతర్జాతీయ చలన చిత్రోత్సవంలో ప్రసంగించాల్సిందిగా ఆమెకు ఆహ్వానం అందింది. అలాగే, చిత్రోత్సవ కార్యక్రమానికి బాలీవుడ్ నటుడు మనోజ్ బాజ్ పాయ్ తో కలిసి సమంత వ్యాఖ్యానం కూడా చేస్తుంది.
*  మెగాస్టార్ చిరంజీవి హీరోగా మెహర్ రమేశ్ దర్శకత్వంలో రూపొందే 'భోళాశంకర్' చిత్రం షూటింగ్ ముహూర్తం ఈ నెల 11 ఉదయం 7.45 నిమిషాలకు హైదరాబాదులో జరుగుతుంది. ఈ విషయాన్ని దర్శకుడు మెహర్ రమేశ్ సోషల్ మీడియా ద్వారా తెలియజేశారు. అలాగే 15 నుంచి రెగ్యులర్ షూటింగ్ జరుగుతుందని ఆయన పేర్కొన్నారు. తమిళంలో అజిత్ హీరోగా వచ్చిన 'వేదాళం' చిత్రానికి ఇది రీమేక్.
*  నాగార్జున హీరోగా రూపొందుతున్న 'బంగార్రాజు' చిత్రం తాజా షెడ్యూలు షూటింగ్ నేటి నుంచి మైసూర్ లో జరుగుతోంది. ఇందుకోసం హీరో నాగార్జున, దర్శకుడు కల్యాణ్ కృష్ణ తదితరులు నిన్న సాయంకాలం మైసూర్ కి చార్టెడ్ ఫ్లయిట్ లో చేరుకున్నారు.    

More Telugu News