Pawan Kalyan: రేపు 'భీమ్లా నాయక్' నుంచి ఫుల్ సాంగ్ రిలీజ్!

పవన్ కల్యాణ్ - రానా ప్రధాన పాత్రధారులుగా 'భీమ్లా నాయక్' సినిమా రూపొందుతోంది. సాగర్ కె చంద్ర ఈ సినిమాకి దర్శకత్వం వహిస్తున్నాడు. పవన్ సరసన నాయికగా నిత్యా మీనన్ నటిస్తుండగా, రానా జోడీగా సంయుక్త మీనన్ అలరించనుంది. మలయాళంలో హిట్ కొట్టిన 'అయ్యప్పనుమ్ కోషియుమ్' కి ఇది రీమేక్.

పవన్ - నిత్యామీనన్ కాంబినేషన్లోని సన్నివేశాల చిత్రీకరణను పూర్తిచేశారు. ప్రస్తుతం రానా - సంయుక్త మీనన్ కాంబినేషన్లోని సన్నివేశాలను చిత్రీకరిస్తున్నారు. ఈ సినిమాతోనే ఆమె తెలుగు ప్రేక్షకులకు పరిచయమవుతోంది. రీసెంట్ గా ఈ సినిమా నుంచి 'లాలా భీమ్లా .. ' అనే సాంగ్ టీజర్ ను వదలగా మంచి రెస్పాన్స్ వచ్చింది.

ముందుగా చెప్పినట్టుగానే రేపు ఉదయం 11:07 నిమిషాలకు ఫుల్ సాంగ్ ను రిలీజ్ చేయనున్నారు. సూర్యదేవర నాగవంశీ నిర్మిస్తున్న ఈ సినిమాలో, సముద్రఖని కీలకమైన పాత్రను పోషిస్తున్నాడు. లుంగీ మీద తొడకొడుతూ మీసం మెలేసే పాత్రలో పవన్ కనిపిస్తుండటంతో, ఈ సినిమాపై అందరిలో ఆసక్తి పెరుగుతోంది.