Rashmika Mandanna: సినిమా కబుర్లు.. సంక్షిప్త సమాచారం

  • హిందీ సినిమా పూర్తి చేసిన రష్మిక 
  • సోషల్ మీడియాలో మహేశ్ రికార్డు
  • 'మ్యూజిక్ స్కూల్' నాయికగా శ్రియ  
Rashmika on her maiden Hindi movie

*  కన్నడ బ్యూటీ రష్మిక తొలిసారిగా 'మిషన్ మజ్ను' అనే హిందీ సినిమాలో నటిస్తున్న సంగతి తెలిసిందే. తాజాగా ఈ చిత్రం షూటింగును రష్మిక పూర్తిచేసింది. ఈ సందర్భంగా చెబుతూ, "ఈ చిత్రకథ వింటున్నప్పుడే ఎట్టి పరిస్థితులలోను ఈ చిత్రాన్ని వదులుకోకూడదనుకున్నాను. నా పాత్ర అంత బాగా నచ్చింది. ఒక మంచి చిత్రంతో బాలీవుడ్ ప్రవేశం చేస్తున్నందుకు హ్యాపీగా వుంది. షూటింగ్ అప్పుడే అయిపోయిందా? అన్న ఫీలింగ్ కూడా వుంది" అంటూ చెప్పుకొచ్చింది.  
*  సూపర్ స్టార్ మహేశ్ బాబు సోషల్ మీడియాలో చాలా యాక్టివ్ గా వుంటాడు. ఎప్పుడూ అప్ డేట్స్ ఇస్తూ అభిమానులతో టచ్ లో ఉంటుంటారు. ఈ క్రమంలో ఆయన ఫేస్ బుక్ ఖాతా ఫాలోవర్ల సంఖ్య తాజాగా 15 మిలియన్లు దాటింది. దీంతో ఆయన అభిమానులు సోషల్ మీడియాలో సంబరాలు చేసుకుంటున్నారు.
*  ప్రముఖ నటి శ్రియ తాజాగా ఓ చిత్రానికి సంతకం చేసింది. బియ్యాల పాపారావు దర్శకత్వంలో రూపొందే 'మ్యూజిక్ స్కూల్' అనే చిత్రంలో ఆమె కథానాయికగా నటిస్తోంది. ఇందులో శర్మన్ జోషి ఆమెకు జంటగా నటిస్తాడు. ఇళయరాజా సంగీతాన్ని సమకూర్చే ఈ చిత్రాన్ని పలు భాషల్లో నిర్మించడానికి సన్నాహాలు చేస్తున్నారు.

More Telugu News