Nagashourya: షూటింగు పార్టు పూర్తిచేసుకున్న 'లక్ష్య'

నాగశౌర్య హీరోగా కొంతకాలంగా 'లక్ష్య' సినిమా రూపొందుతోంది. కరోనా కారణంగా షూటింగు విషయంలో జాప్యం జరుగుతూ వచ్చింది. సంతోష్ జాగర్లపూడి దర్శకత్వం వహించిన ఈ సినిమా, తాజాగా షూటింగు పార్టును పూర్తిచేసుకుంది. ఈ విషయాన్ని అధికారికంగా స్పష్టం చేస్తూ, ఒక పోస్టర్ ను వదిలారు.

ఈ సినిమా షూటింగు పార్టును పూర్తిచేశామనీ, త్వరలో థియేటర్లకు తీసుకొచ్చే దిశగా పనులు మొదలయ్యాయని మేకర్స్ తెలియజేశారు. నారాయణ దాస్ నారంగ్ .. రామ్మోహన్ రావు .. శరత్ మరార్ ఈ సినిమాకి నిర్మాతలుగా వ్యవహరించారు. కాలభైరవ సంగీతాన్ని సమకూర్చాడు.

విలువిద్య నేపథ్యంలో ఈ సినిమా నిర్మితమైంది. కెరియర్ పరంగా నాగశౌర్యకి ఇది 20వ సినిమా. ఈ సినిమాలో ఆయన సిక్స్ ప్యాక్ తో కూడిన కొత్త లుక్ తో కనిపించనున్నాడు. ఈ సినిమాలో కేతిక శర్మ ఆయనతో జోడీ కడుతోంది. జగపతిబాబు .. సచిన్ కేడ్కర్ కీలకమైన పాత్రల్లో కనిపించనున్నారు.