Sundeep Kishan: 'గల్లీ రౌడీ' రిలీజ్ డేట్ వాయిదా!

సందీప్ కిషన్ హీరోగా 'గల్లీ రౌడీ' సినిమా రూపొందింది. జి.నాగేశ్వర రెడ్డి దర్శకత్వం వహించిన ఈ సినిమా, యాక్షన్ కామెడీ నేపథ్యంలో సాగుతుంది. ఈ సినిమాను వచ్చేనెల 3వ తేదీన విడుదల చేయనున్నట్టుగా ముందుగా ప్రకటించారు. కానీ ఆ తరువాత మనసు మార్చుకుని, విడుదల తేదీని వాయిదా వేశారు.

ఆ రోజున ఎక్కువ సినిమాలు విడుదల కానుండటమే అందుకు కారణమని తెలుస్తోంది. 'నూటొక్క జిల్లాల అందగాడు' .. 'డియర్ మేఘ' సినిమాలు ఆ రోజునే విడుదల కానున్నాయి. ఇక అదే రోజున రావడానికి 'సీటీ మార్' కూడా సిద్ధమైంది. దాంతో ఇంత పోటీలో విడుదల చేయకూడదనే ఉద్దేశంతో, 'గల్లీ రౌడీ'ని వాయిదా వేసుకున్నారు.

అయితే ఈ సినిమాను వచ్చే నెలలోనే విడుదల చేయనున్నామనీ, త్వరలో రిలీజ్ డేట్ ను ప్రకటిస్తామని దర్శక నిర్మాతలు చెప్పారు. సందీప్ కిషన్ సరసన నేహా శెట్టి నటించిన ఈ సినిమాలో, బాబీ సింహా - రాజేంద్ర ప్రసాద్ కీలకమైన పాత్రల్లో కనిపించనున్నారు. 'జి. నాగేశ్వరరెడ్డి - సందీప్ కిషన్ కాంబినేషన్లో గతంలో వచ్చిన 'తెనాలి రామకృష్ణ బీఏ బీఎల్' మాదిరిగా ఈ సినిమా హిట్ కొడుతుందేమో చూడాలి.