Kalyan Ram: రేపే కల్యాణ్ రామ్ మూవీ నుంచి టైటిల్ పోస్టర్ రిలీజ్!

  • '118' తరువాత దక్కని హిట్
  • సొంత బ్యానర్లో మరో సినిమా  
  • కొత్త దర్శకుడికి ఛాన్స్
Kalyan Ram new movie title poster will be released by tomorrow

ఒక వైపున హీరోగా .. మరో వైపున నిర్మాతగా కల్యాణ్ రామ్ తన ప్రయాణాన్ని కొనసాగిస్తున్నాడు. ప్రస్తుతం ఆయన నూతన దర్శకుడు వశిష్ఠ్ దర్శకత్వంలో ఒక సినిమా చేస్తున్నాడు. ఇప్పటికే ఈ సినిమా చాలావరకూ చిత్రీకరణ జరుపుకుంది. క్రితం ఏడాదే షూటింగు మొదలుపెట్టినప్పటికీ, కరోనా కారణంగా ఆలస్యమవుతూ వచ్చింది. ఈ సినిమా కోసం ఒక ఇంట్రెస్టింగ్ టైటిల్ ను అనుకున్నారట. ఎన్టీ రామారావు జయంతి సందర్భంగా ఈ సినిమా టైటిల్ పోస్టర్ ను రేపు రిలీజ్ చేయనున్నారు.

కల్యాణ్ రామ్ కి '118' తరువాత హిట్ పడలేదు. దాంతో ఆయన తన సొంత బ్యానర్ పైనే ఈ సినిమాను చేస్తున్నాడు. ఇక ఈ సినిమా చిత్రీకరణ పరంగా ముగింపు దశకి చేరుకోవడంతో, మరో ప్రాజెక్టును కూడా ఆయన పట్టాలెక్కించాడు. మైత్రీ మూవీ మేకర్స్ వారు నిర్మిస్తున్న ఈ సినిమాకి రాజేంద్ర దర్శకత్వం వహిస్తున్నాడు. దర్శకుడిగా ఆయనకి కూడా ఇది తొలి సినిమానే. ఈ సినిమాకి సంబంధించిన పూర్తి వివరాలు కూడా త్వరలోనే తెలియనున్నాయి. కల్యాణ్ రామ్ ఎదురుచూస్తున్న హిట్ ఈ సినిమాలతోనైనా లభిస్తుందేమో చూడాలి.

More Telugu News