Kriti Shetty: సినిమా కబుర్లు.. సంక్షిప్త సమాచారం   

  • అఖిల్ అక్కినేని సినిమాలో కృతి శెట్టి 
  • కోల్ కతా నేపథ్యంలో మెగాస్టార్ సినిమా 
  • కల్యాణ్ రామ్ సరసన ఇద్దరు హీరోయిన్లు 
  • కొత్త దర్శకుడితో ఆనంద్ దేవరకొండ
Kriti Shetty Shetty opposite Akhil Akkineni

* 'ఉప్పెన' సినిమాలో కథానాయికగా నటించిన కృతి శెట్టి టాలీవుడ్ లో మంచి ఆఫర్లు అందుకుంటోంది. ఇప్పటికే నాని సరసన ఓ చిత్రంలో నటిస్తున్న ఈ ముద్దుగుమ్మ తాజాగా అఖిల్ అక్కినేని సరసన నటించే ఛాన్స్ కూడా పొందినట్టు తెలుస్తోంది. దీని వివరాలు త్వరలో వెల్లడవుతాయి.
*  మెగాస్టార్ చిరంజీవి హీరోగా మెహర్ రమేశ్ దర్శకత్వంలో 'వేదాళం' తమిళ చిత్రాన్ని రీమేక్ చేస్తున్న సంగతి విదితమే. కథను బట్టి ఈ చిత్రానికి సంబంధించిన కొన్ని సన్నివేశాలను కోల్ కతాలో చిత్రీకరించడానికి ప్లాన్ చేస్తున్నారట.
*  నందమూరి కల్యాణ్ రామ్ హీరోగా 'రావణ్' పేరిట ఓ భారీ చిత్రం రూపొందుతోంది. పునర్జన్మల కథతో రూపొందుతున్న ఈ చిత్రంలో వీఎఫ్ఎక్స్ పనులు ఎక్కువగా వుంటాయని అంటున్నారు. మల్లిడి వశిష్ఠ దర్శకత్వం వహిస్తున్న ఈ చిత్రంలో కేథరిన్ థ్రెసా, సంయుక్త మీనన్ హీరోయిన్లుగా నటిస్తారని తెలుస్తోంది.  
*  'మిడిల్ క్లాస్ మెలోడీస్' చిత్రంతో హీరోగా పరిచయమైన ఆనంద్ దేవరకొండ తన తదుపరి చిత్రాన్ని నూతన దర్శకుడితో చేయనున్నాడు. అవినాశ్ కోకాటి అనే కుర్రాడు చెప్పిన కథ నచ్చడంతో అతనికి గ్రీన్ సిగ్నల్ ఇచ్చినట్టు సమాచారం.

More Telugu News