Ananya Pande: సినిమా కబుర్లు.. సంక్షిప్త సమాచారం

  • విజయ్ దేవరకొండని పొగిడేస్తున్న అనన్య 
  • 'బంగార్రాజు'కి రెడీ అవుతున్న నాగార్జున  
  • 'విరాటపర్వం' షూటింగ్ మొదలెట్టిన రానా  
Ananya Pande praises Vijay Devarakonda

*  విజయ్ దేవరకొండ సరసన నటించడం తన అదృష్టమంటోంది బాలీవుడ్ భామ అనన్య పాండే. పూరీ దర్శకత్వంలో రూపొందుతున్న 'ఫైటర్' సినిమాలో ఆమె విజయ్ సరసన నటిస్తోంది. 'అర్జున్ రెడ్డి సినిమాలో విజయ్ పెర్ఫార్మెన్స్ నాకెంతో నచ్చింది. ఈ సినిమాలో విజయ్ స్క్రీన్ మీద రఫ్ గా కనిపిస్తాడు. అయితే, బయట మాత్రం తను ఎంతో సాఫ్ట్.. అతనితో నటించడం నా అదృష్టం' అని చెప్పింది అనన్య.
*  ఇటీవలే 'వైల్డ్ డాగ్' చిత్రాన్ని పూర్తిచేసిన హీరో నాగార్జున తదుపరి చిత్రంగా 'బంగార్రాజు' సినిమా చేయనున్నారు. కల్యాణ్ కృష్ణ దర్శకత్వం వహించే ఈ చిత్రం షూటింగ్ వచ్చే ఏడాది జనవరి నుంచి జరుగుతుంది. ప్రస్తుతం ప్రీ ప్రొడక్షన్ పనులు జరుగుతున్నాయి.
*  వేణు ఊడుగుల దర్శకత్వంలో రానా హీరోగా రూపొందుతున్న 'విరాటపర్వం' చిత్రం షూటింగ్ నిన్నటి నుంచి జరుగుతోంది. ఈ షెడ్యూలుతో షూటింగ్ మొత్తం పూర్తవుతుంది. ఇందులో సాయిపల్లవి కథానాయికగా నటిస్తోంది.

More Telugu News