Prabhas: హైదరాబాద్‌లో కలుద్దాం ప్రభాస్: పూజా హెగ్డే
- ఇటలీలో షూటింగ్ జరుపుకున్న రాధేశ్యామ్
- ఇండియాకు తిరిగి వచ్చిన పూజా హెగ్డే
- షెడ్యూల్ ను విజయవంతంగా పూర్తి చేశారంటూ టీమ్ కు కితాబు
ప్యాన్ ఇండియా స్టార్ గా ఎదిగిన యంగ్ రెబల్ స్టార్ ప్రభాస్, పూజా హెగ్డే కాంబినేషన్లో తెరకెక్కుతున్న తాజా చిత్రం 'రాధేశ్యామ్'. ఈ చిత్రం శరవేగంగా షూటింగ్ జరుపుకుంటోంది. లాక్ డౌన్ తర్వాత టీమ్ అంతా షూటింగ్ కోసం ఇటలీ వెళ్లింది. దాదాపు నెల రోజుల పాటు పూజా హెగ్డే షూటింగ్ లో పాల్గొంది. అక్కడ షూటింగ్ ముగించుకుని పూజ ఇండియాకు తిరిగి వచ్చింది. ఈ విషయాన్ని ఇన్స్టాగ్రామ్ ద్వారా పూజ అభిమానులతో పంచుకుంది.
'రాధేశ్యామ్' ఇటాలియన్ షెడ్యూల్ ను పూర్తి చేసుకున్నానని పూజ తెలిపింది. షెడ్యూల్ ను విజయవంతంగా పూర్తి చేసిన టీమ్ సభ్యులకు థ్యాంక్స్ చెప్పింది. అంతేకాదు... 'హైదరాబాదులో కలుద్దాం ప్రభాస్' అని చెప్పింది.
మరోవైపు ఈ సినిమాలో ప్రభాస్ పేరు విక్రమాదిత్య అని వెల్లడించేలా ఇటీవలే విడుదల చేసిన ఫస్ట్ లుక్ పోస్టర్ అభిమానులను ఆకట్టుకుంది. ఈ చిత్రానికి కేకే రాధాకృష్ణ కుమార్ దర్శకత్వం వహిస్తున్నారు. కృష్ణంరాజు సమర్పణలో యూవీ క్రియేషన్స్ ఈ చిత్రాన్ని నిర్మిస్తోంది.
