LG Polymers: ఎల్జీ పాలిమర్స్ కేసు: నిందితులకు బెయిల్ మంజూరు చేసిన హైకోర్టు

విశాఖ ఎల్జీ పాలిమర్స్ కేసులో నిందితులకు ఊరట కలిగింది. ఈ కేసులో 12 మంది నిందితులకు ఏపీ హైకోర్టు షరతులతో కూడిన బెయిల్ మంజూరు చేసింది. బెయిల్ పొందినవారిలో దక్షిణ కొరియాకు చెందినవారు కూడా ఉన్నారు. ఈ కేసులో ఎల్జీ పాలిమర్స్ సీఈఓ, డైరెక్టర్ లను కూడా పోలీసులు అరెస్ట్ చేసిన సంగతి తెలిసిందే. ఇటీవల విశాఖ వెంకటాపురంలోని ఎల్జీ పాలిమర్స్ పరిశ్రమ నుంచి స్టైరీన్ విషవాయువు లీకై 14 మంది మృత్యువాత పడడం తెలిసిందే. ఈ ఘటనలో వందల సంఖ్యలో ప్రజలు అస్వస్థతకు గురయ్యారు. ఈ ఘటనలో ఎల్జీ పాలిమర్స్ యాజమాన్యం నిర్లక్ష్యంగా వ్యవహరించిందంటూ ప్రభుత్వం నిందితులను అరెస్ట్ చేసి, కేసు పెట్టిన సంగతి విదితమే.