RGV: మియా మాల్కోవా 'క్లైమాక్స్' నుంచి మరో క్లిప్‌ను వదిలిన రామ్ గోపాల్ వర్మ
- ఈ రోజు రాత్రి 9 గంటలకు క్లైమాక్స్ సినిమా విడుదల
- హారర్ సినిమాలను సాధారణంగా చీకటిలో తీస్తారన్న వర్మ
- ఈ సినిమా మాత్రం ఎడారిలో పగటిపూట తీశామని వ్యాఖ్య
శృంగార తార మియా మాల్కోవాతో వివాదాస్పద దర్శకుడు రామ్ గోపాల్ వర్మ మరోసారి షార్ట్‌ ఫిలిమ్ తీసిన విషయం తెలిసిందే. ఈ సినిమాకి 'క్లైమాక్స్' అనే పేరు పెట్టిన ఆయన ఇప్పటికే ట్రైలర్‌ కూడా విడుదల చేశారు. తాజాగా ఈ సినిమాలోని మరో క్లిప్‌ను ఆయన వదిలారు. 'క్లైమాక్స్' సినిమా ఈ రోజు రాత్రి 9 గంటల నుంచి 6 RGVWorld.in / ShreyasET లో అందుబాటులో ఉంటుందని రూ.100 చెల్లించి ఈ సినిమాను చూడొచ్చని ఆయన తెలిపారు.
'హారర్ సినిమాలను సాధారణంగా చీకటితో ఉన్న భయంకర ప్రదేశాల్లో తీస్తారు.. కానీ, మియా మాల్కోవాతో తీసిన ఈ సినిమా మాత్రం ఎడారిలో పగటిపూట పూర్తి వెలుతురులో తీసిన మొట్టమొదటి సినిమా' అని రామ్ గోపాల్ వర్మ పేర్కొన్నారు.
