Vijay: కాలేజ్ ప్రొఫెసర్ గా .. మాఫియా డాన్ గా విజయ్

విజయ్ కథానాయకుడిగా 'మాస్టర్' చిత్రం రూపొందుతోంది. లోకేశ్ కనగరాజ్ ఈ సినిమాకి దర్శకుడిగా వ్యవహరిస్తున్నాడు. విజయ్ ఈ సినిమాలో రెండు విభిన్నమైన గెటప్స్ లో కనిపిస్తాడని అంటున్నారు. ఈ రెండు పాత్రల మధ్య వేరియేషన్ ప్రేక్షకులను ఆశ్చర్యచకితులను చేస్తుందని చెబుతున్నారు.

ఒక పాత్రలో కాలేజ్ ప్రొఫెసర్ గా .. మరో పాత్రలో మాఫియా డాన్ గా ఆయన నటన ఈ సినిమాకి హైలైట్ అవుతుందని అంటున్నారు. ఏప్రిల్ 9వ తేదీన ఈ సినిమాను విడుదల చేయాలని భావించారు. అయితే ప్రస్తుతం ఎక్కడ చూసినా, కరోనా వైరస్ భయాందోళనలను కలిగిస్తోంది. షూటింగులు .. విడుదల తేదీలు వాయిదా పడుతున్నాయి. ఈ నేపథ్యంలో 'మాస్టర్' కూడా వాయిదా పడుతున్నట్టుగా సమాచారం. మే నెలలో విడుదల చేయాలనే నిర్ణయానికి ఈ సినిమా టీమ్ వచ్చినట్టుగా చెబుతున్నారు. మాళవిక మోహనన్ కథానాయికగా కనిపించనుండగా, విలన్ పాత్రను విజయ్ సేతుపతి పోషిస్తున్నాడు.