Anand Mahindra: మరో అద్భుతమైన వీడియోను పోస్టు చేసిన ఆనంద్ మహీంద్రా

ప్రముఖ పారిశ్రామికవేత్త ఆనంద్ మహీంద్రా సామాజిక మాధ్యమాల్లో ఎంతో చురుగ్గా ఉంటారు. చిత్రవిచిత్రమైన వీడియోలనే కాదు, సమాజానికి ఉపయోగపడే సందేశాత్మక వీడియోలను కూడా పోస్టు చేస్తూ నెటిజన్లలో ఆసక్తి రేకెత్తిస్తుంటారు. తాజాగా ఆయన ఓ దివ్యాంగుడికి సంబంధించిన వీడియోను ట్విట్టర్ లో పంచుకున్నారు. నడుం కింది నుంచి రెండు కాళ్లు లేని ఓ దివ్యాంగుడు ఒంటిపై త్రివర్ణ పతాకాన్ని పోలిన దుస్తులు ధరించి ఓ జెండా కర్రపైకి ఎగబాకి త్రివర్ణ పతాకాన్ని తలపించేలా చేసిన విన్యాసాన్ని ఆ వీడియోలో చూడొచ్చు. రిపబ్లిక్ డే సందర్భంగా ఎంతో స్ఫూర్తిని కలిగించేలా ఉన్న ఆ వీడియో మరెంతోమందికి ప్రేరణాత్మకంగా ఉండొచ్చని ఆనంద్ మహీంద్రా అభిప్రాయపడ్డారు.