James bond: ‘జేమ్స్ బాండ్’ 25వ సినిమా టైటిల్ ను ప్రకటించిన చిత్రబృందం!

ప్రపంచవ్యాప్తంగా బాండ్ సినిమాలకు ఉండే క్రేజే వేరు. ఇప్పటివరకూ ఈ సిరీస్ లో 24 సినిమాలు వచ్చినా ఆ క్రేజ్ ఎంతమాత్రం తగ్గకపోగా, ఇంకా పెరుగుతూనే ఉంది. ఈ నేపథ్యంలో క్యారీ జోజీ ఫుకునాగా దర్శకత్వంలో జేమ్స్ బాండ్ సిరీస్ లో 25వ సినిమా తెరకెక్కుతోంది. అయితే ఈ సినిమా టైటిల్ పై కొంతకాలంగా సస్పెన్స్ కొనసాగింది.

తొలుత షట్టర్ హ్యాండ్స్, ఎక్లిప్స్, ఏ రీజన్ టు డై అనే టైటిళ్లను సినిమా బృందం పరిశీలించింది. చివరగా జేమ్స్ బాండ్ 25వ సినిమాకు ‘నో టైమ్ టు డై’ అనే టైటిల్ ను ఖరారు చేశారు. ఈ మేరకు టైటిల్ ప్రకటించిన చిత్ర యూనిట్ సినిమాను బ్రిటన్ లో 2020, ఏఫ్రిల్ 3న, అమెరికాలో ఏప్రిల్ 8న విడుదల చేయాలని నిర్ణయించింది. ఈ సినిమాలో హీరోగా డానియెల్ క్రెగ్ నటిస్తున్నారు. ఆయన జేమ్స్ బాండ్ పాత్రను పోషించడం ఇది ఐదోసారి.