Bhanupriya: భానుప్రియ కూడా అరెస్ట్ అవుతుందా?

ప్రముఖ సినీనటి భానుప్రియకు ఇప్పుడు కొత్త సమస్య వచ్చి పడింది. తన ఇంట్లో పనిచేసే అమ్మాయి తల్లి ప్రభావతి చేసిన ఫిర్యాదు తప్పుడుదని తేలినప్పటికీ, పోలీసులు ఆమెపై బాలలతో వెట్టిచాకిరీ చట్టం కింద కేసు నమోదు చేశారు. 14 సంవత్సరాల బాలికను పనిలో పెట్టుకోవడమే కాకుండా, ఆమెపై పోలీసు కేసు పెట్టిన ఘటనలో స్పందించిన బాలల హక్కుల సంఘం ప్రతినిధులు, భానుప్రియపై పోలీసులకు ఫిర్యాదు చేసిన సంగతి తెలిసిందే.

ఆ బాలిక తమ ఇంట్లో పని చేస్తున్నట్టు భానుప్రియ ఒప్పుకున్నట్టు వీడియోలు ఉండటంతో ఈ కేసులో ఆమె స్వయంగా చిక్కుకున్నట్లయిందని, ఆమె అరెస్ట్ తప్పక పోవచ్చని పోలీసులు అంటున్నారు. మైనర్ బాలికను ఇంట్లో పనికి కుదుర్చుకోవడం పెద్ద నేరమని, అంతేకాకుండా, ఆమెను లైంగికంగానూ వేధించారని ఆరోపణలు రావడంతో, అవి రుజువైతే భానుప్రియకు, ఆమె సోదరుడికి శిక్ష తప్పదని చెబుతున్నారు. ఈ కేసును అన్ని కోణాల్లో విచారిస్తున్నామని, భానుప్రియను, ఆమె కుటుంబీకులను విచారించి, తదుపరి అడుగులు వేస్తామని పోలీసు అధికారి ఒకరు తెలిపారు.