Hero Surya: ప్రధాని పాత్రలో మోహన్‌లాల్.. బాడీగార్డ్‌గా సూర్య?

  • కేవీ ఆనంద్ దర్శకత్వంలో సూర్య 37వ చిత్రం
  • సామాజిక మాధ్యమాల్లో వైరల్ అవుతున్న ఫోటోలు
  • అల్లు శిరీష్ తప్పుకోవడంతో ఆ పాత్రలో ఆర్య

ఓ వైపు ఎన్జీకే సినిమాలో నటిస్తూనే.. మరోవైపు తన 37వ సినిమా చిత్రీకరణలో తమిళ హీరో సూర్య బిజీగా ఉన్నారు. కేవీ ఆనంద్ దర్శకత్వంలో తెరకెక్కుతున్న సూర్య 37వ చిత్రం సెట్‌లో తీసిన కొన్ని ఫోటోలు వైరల్‌గా మారాయి. ఈ చిత్రంలో మోహన్‌లాల్ కీలక పాత్రలో నటిస్తున్నారు. ఆ పాత్ర తాలుకు ఫోటోలు ఇప్పుడు సామాజిక మాధ్యమాల్లో వైరల్‌ అవుతున్నాయి.

దీనికి కారణం ఆ ఫోటోల్లో మోహన్‌లాల్ లుక్ ప్రధాని నరేంద్ర మోదీని పోలి ఉండడమే. దీంతో ఈ ఫోటోలు చూసిన నెటిజన్లు ఆయన ప్రధానిగా నటిస్తున్నారని భావిస్తున్నారు. ఈ ఫోటోలను బట్టి చూస్తే సూర్య ప్రధానికి బాడీగార్డ్‌గా కనిపిస్తున్నారు. మరోపక్క ఇందులో ఆర్య కూడా ఓ కీలక పాత్ర పోషిస్తున్నాడు. మొదట ఈ పాత్ర కోసం అల్లు శిరీష్ ని తీసుకున్నారు. కానీ కొన్ని కారణాల వల్ల ఆ ప్రాజెక్ట్ నుంచి శిరీష్ తప్పుకోవడంతో ఆ పాత్రలో ఆర్య నటిస్తున్నారు.

More Telugu News