nagachaitanya: కీలక సన్నివేశాల చిత్రీకరణలో 'శైలజా రెడ్డి అల్లుడు'

కెరియర్ తొలినాళ్లలో యూత్ ను మాత్రమే దృష్టిలో పెట్టుకుని సినిమాలు చేస్తూ వచ్చిన మారుతి, ఆ తరువాత యూత్ తో పాటు మాస్ ను .. ఫ్యామిలీ ఆడియన్స్ ను కూడా థియేటర్స్ కి రప్పించే కంటెంట్ ను సిద్ధం చేసుకోవడం మొదలుపెట్టాడు. అలా ఆయన తెరకెక్కించిన 'మహానుభావుడు' అన్నివర్గాల ప్రేక్షకులను ఆకట్టుకుంది.

దాంతో ఆ తరువాత సినిమాతో అంతకి మించిన హిట్ ను అందుకోవాలనే పట్టుదలతో ఆయన 'శైలజా రెడ్డి అల్లుడు' సినిమాను రెడీ చేస్తున్నాడు. నాగచైతన్య .. అనూ ఇమ్మాన్యుయేల్ జంటగా నటిస్తోన్న ఈ సినిమాలో రమ్యకృష్ణ ప్రధానమైన పాత్రను పోషిస్తోంది. ప్రస్తుతం ఈ సినిమా షూటింగ్ హైదరాబాద్ పరిసర ప్రాంతాల్లో జరుగుతోంది. చైతూ .. అనూ ఇమ్మాన్యుయేల్ .. మురళీశర్మల పై రాత్రి వేళలో కీలకమైన సన్నివేశాలను చిత్రీకరిస్తున్నారు. ఈ సినిమాతో హిట్ పడడం ఖాయమనే బలమైన నమ్మకంతో చైతూ వున్నాడట.