Ram: 'ఎనర్జిటిక్ స్టార్' రామ్ తదుపరి చిత్రం 'గరుడవేగ' దర్శకుడితో!

యాంగ్రీ హీరో రాజశేఖర్‌తో 'గరుడవేగ' చిత్రం తీసిన దర్శకుడు ప్రవీణ్ సత్తారు తన తదుపరి చిత్రాన్ని ఎనర్జిటిక్ స్టార్ రామ్‌తో తెరకెక్కించేందుకు రెడీ అవుతున్నారు. యాక్షన్ మూవీగా ఇది రూపొందనుందని సమాచారం. ఈ సినిమాలో ఎక్కువ భాగాన్ని విదేశాల్లో చిత్రీకరించనున్నారని, ముఖ్యంగా స్విట్జర్లాండ్‌పైనే దర్శక నిర్మాతలు మొగ్గుచూపుతున్నట్లు తెలిసింది.

రామ్‌‌లోని ఎనర్జీని దృష్టిలో పెట్టుకుని దట్టమైన మంచుతో కప్పబడిన పర్వతశ్రేణుల్లో కొన్ని యాక్షన్ సన్నివేశాలకు దర్శకుడు ప్రవీణ్ ప్లాన్ చేసినట్లు ఫిలింవర్గాలు చెబుతున్నాయి. ఈ సినిమా కోసం అందమైన లొకేషన్లను ఎంపిక చేయడానికి ప్రవీణ్ తన ప్రొడక్షన్ టీమ్‌తో పాటు గతవారం యూరప్ వెళ్లినట్లు సమాచారం. ఆయన తిరిగొచ్చిన తర్వాత ఈ చిత్రానికి సంబంధించి హీరోయిన్, సంగీత దర్శకుడు తదితర ముఖ్యమైన వివరాలు తెలిసే అవకాశముంది. రామ్ ప్రస్తుతం దిల్ రాజు సంస్థలో 'హలో గురు ప్రేమ కోసమే' చిత్రం చేస్తున్న సంగతి తెలిసిందే. ఇది అతని కెరీర్‌లో 16వ చిత్రం.