democracy: భారత ప్రజాస్వామ్యం ముప్పు ముంగిట ఉందా?

భారత ప్రజాస్వామ్యం ముప్పుముంగిట ఉందా? అంటే ఎకనమిస్ట్ ఇంటెలిజెన్స్ యూనిట్ (ఈఐయూ) సర్వే అవుననే అంటోంది. భారతదేశంలో ప్రజాస్వామ్యం మేడిపండు చందమేనని ఈఐయూ సర్వే చెబుతోంది. అంతర్జాతీయ ప్రజాస్వామ్య సూచీల్లో భారత్‌ స్థానం ఏటేటా దిగజారుతోందని, ఈ ఏడు అది మరింత దిగజారిందని ఆ సంస్థ తెలిపింది.

గతేడాది ఈఐయూ సూచీలో 32వ స్థానంలో ఉన్న భారత్ ఈ ఏడాది 42వ స్థానానికి దిగజారిందని తెలిపింది. దీనికి కారణం భారత్ లో సంప్రదాయ మత సిద్ధాంతాలకు ప్రాధాన్యం పెరగడంతో పాటు మైనారిటీలపై హింస పెచ్చరిల్లడం కారణమని పేర్కొంది. ఈ సూచీలో నార్వే మొదటి స్ధానంలో ఉండగా, ఆ తరువాతి స్థానాల్లో వరుసగా ఐస్‌ లాండ్‌, స్వీడన్‌ లు నిలిచాయి.