Ajinkya Rahane: రోడ్డు యాక్సిడెంట్ కేసులో క్రికెట‌ర్ అజింక్య రహానే తండ్రి అరెస్టు!
- ప్రమాదంలో మ‌ర‌ణించిన 67 ఏళ్ల మ‌హిళ
- కొల్హాపూర్‌లో ఘ‌ట‌న
- సెక్ష‌న్ 304ఏ కింద కేసు బుక్ చేసిన పోలీసులు
భార‌త జ‌ట్టు ఆట‌గాడు అజింక్య రహానే తండ్రి మ‌ధుక‌ర్ బాబురావ్ ర‌హానేను కొల్హాపూర్ పోలీసులు అరెస్టు చేశారు. రోడ్డు యాక్సిడెంట్ కేసులో ఓ మ‌హిళ మ‌ర‌ణానికి కార‌ణ‌మైనందున ఆయ‌న‌పై 304ఏ, 337, 338, 279, 184 సెక్షన్ల కింద కేసు బుక్ చేశారు. తన కుటుంబంతో క‌లిసి ఆయన హ్యుందాయ్ ఐ20 కారులో త‌ర్కార్లీ ప్రాంతానికి వెళ్తుండ‌గా పూణె-బెంగ‌ళూరు హైవే మీద కా‌గ‌ల్ బ‌స్‌స్టేష‌న్‌కి స‌మీపంలో ఈ యాక్సిడెంట్ జ‌రిగింది.
ఈ ప్రమాదంలో ఆశాటై కాంబ్లే (67) అనే మ‌హిళ తీవ్ర‌గాయాల పాలై, ఆసుప‌త్రికి తీసుకువెళ్లేలోగానే మ‌ర‌ణించింది. ప్ర‌స్తుతం రహానే శ్రీలంక‌తో మూడో వ‌న్డే ఆడ‌టానికి భార‌త‌జట్టుతో క‌లిసి విశాఖప‌ట్నంలో ఉన్న సంగ‌తి తెలిసిందే.
