nani: 'కృష్ణార్జున యుద్ధం' కోసం యూరప్ వెళుతోన్న నాని!

ఒక వైపున 'మిడిల్ క్లాస్ అబ్బాయి'ని సాధ్యమైనంత త్వరగా ప్రేక్షకులకు పరిచయం చేయాలని చూస్తోన్న నాని, మరో వైపున 'కృష్ణార్జున యుద్ధం' సినిమా షూటింగులో పాల్గొంటున్నాడు. మేర్లపాక గాంధీ దర్శకుడిగా వ్యవహరిస్తోన్న ఈ సినిమా, కొన్ని రోజులుగా 'పొల్లాచ్చి'లో షూటింగ్ జరుపుకుంటోంది. ప్రధానమైన పాత్రలకి సంబంధించిన కొన్ని ముఖ్యమైన సన్నివేశాలను అక్కడ చిత్రీకరిస్తున్నారు.

 రేపటితో ఈ షెడ్యూల్ పూర్తవుతోంది. తదుపరి షెడ్యూల్ ను యూరప్ లో ప్లాన్ చేశారు. వచ్చేనెల 10వ తేదీ నుంచి ఈ షెడ్యూల్ మొదలుకానుంది. కథానాయిక అనుపమ పరమేశ్వరన్ ఈ షెడ్యూల్ లో జాయిన్ అవుతుంది. కృష్ణ - అర్జున్ గా నాని ద్విపాత్రాభినయం చేస్తున్నాడు. అందువలన ఈ సినిమాలో మరో కథానాయిక కూడా సందడి చేయనుంది.   

More Telugu News