balakrishna: బాలకృష్ణ మూవీ షూటింగులో నయనతార!
బాలకృష్ణ కథానాయకుడిగా ఆయన 102వ సినిమా సెట్స్ పైకి వెళ్లింది. కె.ఎస్. రవికుమార్ దర్శకత్వం వహిస్తోన్న ఈ సినిమాలో కథానాయికగా నయనతారను తీసుకున్నారు. హైదరాబాద్ - రామోజీ ఫిల్మ్ సిటీలో కొన్ని రోజులుగా జరుగుతోన్న ఫస్టు షెడ్యూల్ షూటింగులో .. కొన్ని కీలకమైన సన్నివేశాలతో పాటు, యాక్షన్ సీక్వెన్స్ ను కూడా చిత్రీకరిస్తున్నారు. తాజాగా ఈ రోజు ఈ సినిమా షూటింగులో నయనతార జాయిన్ అయింది.
గతంలో బాలకృష్ణ .. నయనతార కాంబినేషన్లో వచ్చిన 'సింహా' .. ' శ్రీరామ రాజ్యం' సినిమాలు ఘన విజయాలను అందుకున్నాయి. ఆ సెంటిమెంట్ కారణంగా మళ్లీ నయనతారను ఎంపిక చేసుకున్నారు. తమిళ .. మలయాళ భాషల్లో బిజీగా వున్న నయనతార, ఈ సినిమా కోసం పారితోషికంగా భారీ మొత్తమే తీసుకుందనే టాక్ వినిస్తోంది. బాలకృష్ణ సినిమా తరువాత ఆమె చిరంజీవితో చేయనుండటం విశేషం .
