nikhil: ముగ్గురు యంగ్ డైరెక్టర్లు పనిచేస్తున్న నిఖిల్ మూవీ!
లవ్ ... సెంటిమెంట్ .. యాక్షన్ .. ఎమోషన్ తో పాటు సస్పెన్స్ కూడా తన కథల్లో ఉండేలా చూసుకుంటూ, నిఖిల్ వరుస విజయాలు సాధిస్తున్నాడు. ఎప్పటిలానే కొత్తదనానికి ప్రాధాన్యతనిస్తూ ఆయన ఓ సినిమాను అంగీకరించాడు. అనిల్ సుంకర నిర్మిస్తోన్న ఈ సినిమాకి ముగ్గురు యువ దర్శకులు పనిచేస్తూ ఉండటం విశేషం.
ఈ సినిమాకి శరణ్ కొప్పిశెట్టి దర్శకత్వం వహిస్తున్నాడు. ఇక గతంలో 'స్వామి రారా' సినిమాకి దర్శకుడిగా వ్యవహరించి, నిఖిల్ కి హిట్ ఇచ్చిన సుధీర్ వర్మ ఈ సినిమాకి స్క్రీన్ ప్లే ను సమకూర్చుతున్నాడు. 'కార్తికేయ' సినిమాను తెరకెక్కించి నిఖిల్ కి ఘన విజయాన్నిచ్చిన చందూ మొండేటి ఈ సినిమాకి సంభాషణలు అందిస్తున్నాడు. ఇలా ముగ్గురు దర్శకుల కాంబినేషన్లో రూపొందుతోన్న ఈ సినిమా అందరిలో ఆసక్తిని రేకెత్తిస్తోంది.
