: చిరంజీవిగారు ఇచ్చిన మాట నిలబెట్టుకున్నారు: హీరో నాని సంతోషం

మెగాస్టార్ చిరంజీవి తనకు ఇచ్చిన మాటను నిలబెట్టుకున్నారని హీరో నాని తన ట్వీట్ లో పేర్కొన్నాడు. ఇంతకీ, చిరంజీవి ఇచ్చిన మాట ఏంటంటే.. చిరు హోస్ట్ గా వ్యవహరిస్తున్న ఓ షో కు నాని ముఖ్యఅతిథిగా ఇటీవల వెళ్లాడు. ఈ సందర్భంగా తన చిన్ననాటి విషయాలను నాని ప్రస్తావించాడు. గతంలో విడుదలైన చిరంజీవి ‘మాస్టర్’ సినిమాకు తాను సైకిల్ పై వెళ్లానని, టిక్కెట్ దొరికిన ఆనందంలో తన సైకిల్ పోయిన విషయాన్ని కూడా పట్టించుకోలేదని, దాని కోసం బాధ పడలేదని ఆ షోలో చెప్పాడు.

అయితే, ఆ షో లో గెలుచుకున్న డబ్బుతో ఓ కొత్త సైకిల్ కొనుక్కుంటానని నాని అనగా, అందుకు, చిరంజీవి అభ్యంతరం చెప్పారు. తన సినిమా చూసేందుకు వెళితే సైకిల్ పోయింది కనుక, మరో కొత్త సైకిల్ ను తానే కొనిస్తానని నాటి షో లో చిరంజీవి మాట ఇచ్చారు. ఈ నేపథ్యంలో నానికి కొత్త సైకిల్ ను ఆయన పంపారు. ఆ సైకిల్ పక్కనే నిలబడి ఫొటో దిగిన నాని, దానిని తన ట్విట్టర్ ఖాతాలో పోస్ట్ చేశాడు. ‘ఆ అబ్బాయి సైకిల్ తిరిగి పొందాడు. షోలో ప్రామిస్ చేసినట్టుగా, చిరంజీవిగారు నాకు ఈ సూపర్ కూల్ సైకిల్ ను పంపారు’ అని నాని ఆ ట్వీట్ లో పేర్కొన్నాడు.
<blockquote class="twitter-tweet" data-lang="en"><p lang="en" dir="ltr">And the boy got his cycle back :)<br>As promised on the show, Chiranjeevi Garu sent me this super cool cycle!<a href="https://twitter.com/hashtag/MegastarForAReason?src=hash">#MegastarForAReason</a> <a href="https://t.co/zMrbDLMwGj">pic.twitter.com/zMrbDLMwGj</a></p>— Nani (@NameisNani) <a href="https://twitter.com/NameisNani/status/852797495063199746">April 14, 2017</a></blockquote>
<script async src="//platform.twitter.com/widgets.js" charset="utf-8"></script>