: సుచీలీక్స్ సుచిత్ర కిడ్నాప్? సినీ పరిశ్రమ పెద్దల హస్తం?

ఈ మధ్య కాలంలో బాగా పాప్యులర్ అయిన వ్యక్తుల్లో తమిళ సినీ గాయని సుచిత్ర ఒకరు. కోలీవుడ్, టాలీవుడ్ కు చెందిన పలువురు హీరో, హీరోయిన్ల పర్సనల్ ఫొటోలు, వీడియోలను లీక్ చేసి, సంచలనం సృష్టించింది సుచిత్ర. సుచీలీక్స్ పేరిట విడుదలైన ఈ ఫొటోలు, వీడియోలు కోలీవుడ్ లో ప్రకంపనలు సృష్టించాయి. ధనుష్, అనిరుధ్, రానా, ఆండ్రియా, త్రిష, చిన్మయి, హన్సికలాంటి సినీ స్టార్లు సుచిలీక్స్ బాధితులుగా మిగిలిపోయారు.

ఈ నేపథ్యంలో సుచిత్ర మానసిక పరిస్థితి బాగోలేదని ఆమె భర్త కార్తీక్ ప్రకటించాడు. అంతేకాదు, వైద్య చికిత్స కోసం విదేశాలకు ఆమెను తీసుకెళుతున్నట్టు కూడా వార్తలు వచ్చాయి. ఆమె విదేశాలకు వెళ్లిందనే ప్రచారం కూడా జరిగింది. అయితే, ఇంతలోనే ఈ వ్యవహారం కీలక మలుపు తిరిగింది. సుచిత్రను కిడ్నాప్ చేశారనే వార్త ఇప్పుడు కోలీవుడ్ లో హల్ చల్ చేస్తోంది. తమిళ సినీ పరిశ్రమ పెద్దలే ఆమెను కిడ్నాప్ చేశారనే ప్రచారం జరుగుతోంది. దీనికి సంబంధించి పూర్తి వివరాలు తెలియాల్సి ఉంది. 

More Telugu News