: ల్యాండ్ అవుతున్న విమానం నుంచి దూకేసిన మహిళ
రన్ వేపై విమానం ల్యాండ్ అవుతుండగా ఓ మహిళ కిందకు దూకేసింది. అమెరికాలోని న్యూ ఆర్లియన్స్ నుంచి హ్యూస్టన్ కు వెళుతున్న విమానం బుష్ ఇంటర్ కాంటినెంటల్ ఎయిర్ పోర్ట్ రన్ వేపై ల్యాండ్ అవుతున్న సమయంలో ఈ షాకింగ్ ఘటన చోటు చేసుకుంది. ఎమర్జెన్సీ ద్వారం తెరిచి, 15 అడుగుల ఎత్తు నుంచి ఆమె దూకేసింది. ఈ ఘటన జరిగిన వెంటనే అధికారులు ఆమెను అదుపులోకి తీసుకున్నారు. అయితే, ఈ ఘటనలో ఆ మహిళతో పాటు, ఎవరికీ ఏ అపాయం జరగలేదు. జరిగిన ఘటనతో తాము షాక్ కు గుయ్యామని తోటి ప్రయాణికులు చెప్పారు. కిందకు దూకిన మహిళ విమాన సిబ్బందితో కాని, తోటి ప్రయాణికులతో కాని ఏమీ మాట్లాడలేదని... ఎమర్జెన్సీ ద్వారం ఓపెన్ చేసి, దూకేసిందని తెలిపారు.
