ap7am logo
Logo Bar bseindia nse-india msn yahoo youtube facebook google thehindu bbc ndtv v6 ABN NTv Tv9 etv namasthetelangaana sakshi andhrajyothy eenadu ap7am bhakti espncricinfo wikipedia twitter

రూపాయి లాభం లేకుండా ఇండియాకు విమానాలు ఇచ్చేందుకు సిద్ధమన్న జపాన్

Sun, Sep 11, 2016, 08:50 AM
భారత్ తో మరింత స్నేహపూర్వక బంధాన్ని ఏర్పరచుకోవాలన్న ఉద్దేశంతో ఏ విధమైన ఆర్థిక లాభాపేక్ష లేకుండా సెర్చ్ అండ్ రెస్క్యూ ఎయిర్ క్రాఫ్ట్ షిన్మవ్యా యూఎస్-2 విమానాలను విక్రయించాలని జపాన్ భావిస్తోంది. మొత్తం 1.6 బిలియన్ డాలర్లు (సుమారు రూ. 10,700 కోట్లు) విలువైన డీల్ లో భాగంగా విమానాల ధరను మరింతగా తగ్గించాలని జపాన్ నిర్ణయించింది. అతి తక్కువ ఎత్తులో ఎగురుతూ, సోదాలు జరపగల ఈ తరహా 12 ఎయిర్ క్రాఫ్ట్ లను భారత్ కు విక్రయించేందుకు తాము లాభాన్ని వదులుకోనున్నట్టు జపాన్ రక్షణ మంత్రిత్వ శాఖ వర్గాలు వెల్లడించాయి.

ఈ డీల్ కుదిరితే ఇరు దేశాల మధ్యా ఉన్న చైనాకు, జపాన్, భారత్ స్నేహంపై గట్టి సంకేతాలు పంపినట్లవుతుందని వారు తెలిపారు. ఈ విమానాల ధరపై ఇండియా కొన్ని అనుమానాలు వ్యక్తం చేసిందని, వాటిని నివృత్తి చేయడంతో పాటు ధరను సైతం తగ్గించనున్నామని జపాన్ అధికారి ఒకరు స్పష్టం చేశారు. ఈ సంవత్సరంలో ప్రధాని నరేంద్ర మోదీ టోక్యోలో పర్యటించనున్నారన్న విషయాన్ని గుర్తు చేసిన ఆయన, ఆ సమయంలో విమానాల విక్రయ డీల్ పూర్తవుతుందని భావిస్తున్నట్టు తెలిపారు. కాగా, 1967 నుంచి 2014 వరకూ ఆయుధాలు, విమానాల ఎగుమతులపై జపాన్ స్వీయ నిషేధం విధించుకున్న సంగతి తెలిసిందే. ఈ ఒప్పందం కుదిరితే, నిషేధాన్ని తొలగించుకున్న తరువాత, జపాన్ తో డీల్ కుదుర్చుకునే తొలి దేశంగానూ ఇండియా నిలుస్తుంది.
X

Feedback Form

Your IP address: 54.211.207.116
Articles (Latest)
Articles (Education)