ap7am logo
Logo Bar bseindia nse-india msn yahoo youtube facebook google thehindu bbc ndtv v6 ABN NTv Tv9 etv namasthetelangaana sakshi andhrajyothy eenadu ap7am bhakti espncricinfo wikipedia twitter

నెరవేరిన కర్నూలు, కడప వాసుల కల!... నంద్యాల- ఎర్రగుంట్ల రైల్వే లైనుకు నేడు సురేశ్ ప్రభు పచ్చజెండా!

Tue, Aug 23, 2016, 07:00 AM
రాయలసీమలోని కర్నూలు, కడప జిల్లా వాసులు దశాబ్దాలుగా ఎదురుచూస్తున్న రోజు రానే వచ్చింది. రెండు జిల్లాల మధ్య రైల్వే బంధాన్ని బలోపేతం చేసేదిగానే కాకుండా రెండు జిల్లాల వాసులు నేరుగా విజయవాడకు, తిరుపతికి చేరుకునేందుకు దోహదం చేస్తుందని భావిస్తున్న నంద్యాల- ఎర్రగుంట్ల రైల్వే లైనుపై నేటి నుంచి రైళ్లు పరుగులు పెట్టనున్నాయి. సుదీర్ఘ కాలంగా పెండింగ్ లో ఉన్న ఈ రైల్వే లైను ఎట్టకేలకు పూర్తి అయ్యింది. మొత్తం 123 కిలో మీటర్ల పొడవున్న ఈ లైను నిర్మాణం కోసం కేంద్రం ఏకంగా రూ.967 కోట్లను ఖర్చు చేసింది.

ఈ రైల్వే లైను అందుబాటులోకి వస్తే కడప జిల్లా వాసులు నేరుగా విజయవాడ చేరుకునే వెసులుబాటు లభిస్తుంది. అంతేకాకుండా తిరుపతి, చెన్నై వెళ్లేందుకు కర్నూలు జిల్లా వాసులు అనంతపురం జిల్లా మీదుగా సుదూర ప్రయాణం చేయాల్సిన అవసరం ఎంతమాత్రం ఉండబోదు. నంద్యాల- ఎర్రగుంట్ల మధ్య పూర్తి అయిన రైల్వే లైనును ఇప్పటికే పరీక్షించిన అధికారులు ప్రారంభోత్సవానికి గ్రీన్ సిగ్నల్ ఇచ్చారు. దీంతో నేడు విజయవాడ రానున్న కేంద్ర రైల్వే శాఖ మంత్రి సురేశ్ ప్రభు, ఏపీ సీఎం నారా చంద్రబాబునాయుడితో కలిసి ఈ లైనును రిమోట్ కంట్రోల్ ద్వారా ప్రారంభించనున్నారు. అంతేకాకుండా, ఈ లైను మీదుగా ప్రయాణించే డెమో రైలును కూడా ఆయన ప్రారంభిస్తారు.
X

Feedback Form

Your IP address: 54.211.227.36
Articles (Latest)
Articles (Education)