: ఏపీకి ప్రత్యేకహోదా కోసం 13 రాష్ట్రాల సీఎంలను బాబు ఒప్పించాలి: పురందేశ్వరి
ఏపీకి ప్రత్యేక హోదా రావాలంటే 13 రాష్ట్రాల ముఖ్యమంత్రులను సీఎం చంద్రబాబు ఒప్పించాలని బీజేపీ నేత పురందేశ్వరి అన్నారు. ఏపీకి ప్రత్యేక హోదా కోరుతూ చిత్తూరులోని గాంధీ సర్కిల్ లో ధర్నా జరిగింది. జర్నలిస్టుల ఆధ్వర్యంలో జరిగిన ఈ ధర్నా సందర్భంగా పురందేశ్వరి మాట్లాడుతూ, కేంద్ర ప్రభుత్వం ఈ ఏడాది పోలవరం ప్రాజెక్టు నిర్మాణానికి నాబార్డు నుంచి రూ.4 వేల కోట్లు మంజూరు చేసిందన్నారు. ఏపీలో వెనుక బడిన జిల్లాల కోసం కేంద్రం ఇచ్చిన నిధుల ఖర్చు నివేదికను మన రాష్ట్రం కేంద్రానికి ఇవ్వాల్సి ఉందని పురందేశ్వరి చెప్పారు.
